بلدي
وصف لكل حاجة حلوة باحبها ...
بلدي الي ياما اتغربت عنها
و كنت دايما مشتاق لها ..
مشتاق لناسها الطيبه ..
هموم وأحزان على الجبين
... خطت بتقول ياما عشت هنا
... و بسمه حلوة حتى مع الحزن تقول
لا
... احنا راضيين صابرين على امرنا
.. كرم و طيبه و جدعنه حتى لو الايادي قصيرة
...قلوب وفية وفاكرة ناسها و أهلها
... و عيون تقول كنت فين من زمن
... دا مافيش حاجة تخليك تبعد عن هنا
و ترابك يا بلدي له شكل تاني
... حنين و ناعم
و مع كل وقعة الاقي فيه حضن دافي
من غير جرح او الم
... الطيبه حتى في ترابك يا بلد؟
... طيب أقول ايه للي فيك اشتكى ؟
... هواك من سنين لسه ما اتغيرش
.... و بيقولوا دخان وقش
.. دا الفجريه فيك ما تتعوضش
... تطلع شمسك زاهية بألوان ما فيش زيها
... و السما صافيه زي قلوب اهلها
... تتلون بلون شمسها
... حتى الغيمه جاية في وقتها
... خايفه علينا من حرها
... حر ايه و نسمة الهوى بتشاور لنا
... جايه من عالنيل بتجري
… بتسلم برقه على الجبين
و تمسح بخفة كل الندى
.. و تقول انا كنت جايه من زمن بس عطلني ابنكم
.... و قفت اتأمل فيه ماهي العين لمنظره دايما تشتهي
... نيلكم من زمن بيجري بيعمر و يبني
... و البركه من عند ربنا
... يمكن بعد دا كله ماقولش بحبها
... بحبها و بحب كل الي من اصلها
.... دا الاصل اسم لاهلها
... يارب افضل جنبها
وما اتحرم يوم منها
|
ليست هناك تعليقات:
إرسال تعليق