في
ناس بتظهر في حياتك فجأة ومن غير مقدمات ... الناس اللي بتظهر فجأه دي بتختفي كمان
فجأه ... بس بعد ما يكونوا أدوا الدور بتاعهم في حياتك بتركيز عالي ...
وكأنهم حفروا جواك حاجات تحتاج لعمر طويل في الوقت القصير ده ... الناس
دي فعلًا رزق كبير ... أحيانا بيكونوا زُراع أمل أو بيفتحوا باب جديد لك ...أو بيفكروك
بحاجه موجوده اصلا جواك وأنت مش واخد بالك منها ..أو زي الإشارة اللي بتصحح طريقك
في الوقت المناسب جدًا ...أو مصدر سعادة بشكل من الأشكال في وقت بيعز فيه الفرح
وتكتر فيه الأحزان ... زي بالظبط طوق النجاة
مش محتاجه على طول لكن وجوده في لحظة من
لحظات حياتك هو حياة تانية ...
وبعدين
ينسوك وكأنك لم تكن ...
لكن هم بيفضلوا جوانا
ناس غير كل الناس
